2. ჩატვირთვის შემდეგ ფეთქებადი ნივთიერება მკვიდრად უნდა დამაგრდეს ტექნიკური პირობის შესაბამისად, ხოლო თუ ტექნიკური პირობა არ არის დადგენილი, ნახაზის (სქემის) მიხედვით. ფეთქებადი ნივთიერების განლაგებისა და დამაგრების სქემა უნდა ითვალისწინებდეს შემდეგ ზოგად მოთხოვნებს:
ა) ვაგონის (კონტეინერის) ძირის ზედაპირზე სატვირთო ადგილი განლაგდება თანაბრად, ერთმანეთთან მიჯრით;
ბ) ყუთი განლაგდება თავსახურით მაღლა, ხოლო კასრი – საცობით მაღლა;
გ) საბრძოლო მასალა იწყობა ნაკეთობის გრძივი ღერძით ვაგონის განივ, ხოლო თუ გაბარიტის გამო მისი ამგვარად დაწყობა შეუძლებელია – გრძივი ღერძით ვაგონის გასწვრივ;
დ) მექანიკური ზემოქმედების მიმართ უფრო მგრძნობიარე სატვირთო ადგილს განალაგებენ ისე, რომ შესაძლებელი იყოს მისი ყველაზე ბოლოს ჩატვირთვა და ყველაზე ადრე გადმოტვირთვა;
ე) ვაგონის ტევადობა და ტვირთამწეობა მაქსიმალურად უნდა იყოს გამოყენებული, თუ ნორმატიული დოკუმენტაციით ამ მხრივ რაიმე შეზღუდვა არ არის დადგენილი;
ვ) თუ ფეთქებადი ნივთიერება გადაიზიდება საბორნე გადასასვლელის გამოყენებით, დახურული ვაგონის კარის ღიობი უნდა გადაიღობოს კარის ხის ფარით შტაბელის სიმაღლეზე.
3. თუ ფეთქებადი ნივთიერების ტექნიკური დოკუმენტაციით დადგენილია განთავსების განსაკუთრებული პირობა, იგი უნდა იქნეს გათვალისწინებული სქემის შემუშავებისას.
4. ფეთქებადი ნივთიერების ჩატვირთვა-გადმოტვირთვისას საგანგებო ყურადღება უნდა მიექცეს ტვირთის ზედა რიგის სამაგრის საიმედობას, აგრეთვე ღია მოძრავ შემადგენლობაზე გადასაზიდი ფეთქებადი ნივთიერების სამაგრის სიმტკიცეს. აღნიშნული ტვირთი მაგრდება თითბერის, სპილენძის, ბრინჯაოსა და სხვა ამგვარი მასალისგან დამზადებული ინსტრუმენტის გამოყენებით, რომელიც არ ამოაფრქვევს ნაპერწკალს. აღნიშნულ შემთხვევაში იკრძალება დარტყმები, ბიძგები და ტარაზე დაწოლა