მუხლი 115. 1. აკრძალულია ფეთქებადი ნივთიერების გადაზიდვა:

ა) სამგზავრო და საფოსტო-საბარგო მატარებელში, გარდა სატაბელო იარაღისა და მისი საბრძოლო მარაგისა;
ბ) ხალხით დატვირთულ მატარებელში ან იმ მატარებელში, რომლის შემადგენლობაშიც არის ხალხით დატვირთული ცალკეული ვაგონი, გარდა სამხედრო ეშელონის გადამყვანი მატარებლისა (ვაგონისა);
გ) შეერთებულ მატარებელში;
დ) ზედა მესამე, ქვედა მესამე და მეტი ხარისხის, აგრეთვე გვერდითი მეოთხე და მეტი ხარისხის არაგაბარიტულ ტვირთთან ერთად;
ე) მიმღებ-გამგზავნი პუნქტის ტევადობაზე გრძელ მატარებელში.
2. არ დაიშვება ფეთქებადნივთიერებიანი ვაგონის ჩართვა ახლო დანიშნულების მატარებელში, თუ ფორმირების გეგმის მიხედვით ამ ვაგონის გასაგზავნად გათვალისწინებულია უფრო შორეული მატარებელი.
3. სადგურისა და სამანევრო დისპეტჩერები, რკინიგზის ტერიტორიული სამმართველოს მორიგე, აგრეთვე სხვა პასუხისმგებელი პირები ვალდებულნი არიან საგანგებოდ გაითვალისწინონ ყოველ კონკრეტულ შემთხვევაში სადგურში შემოყვანილი ფეთქებად-ნივთიერებიანი ვაგონის უპირველესად გაგზავნის შესაძლებლობა მინიმალური რაოდენობის მატარებლით.
4. ფეთქებადი ნივთიერების გადაზიდვა გარკვეული მიმართულებით შეიძლება განხორციელდეს შეთანხმებული მატარებლით. ამ მატარებელს რკინიგზა ითვალისწინებს მოძრაობის გრაფიკში:
ა) თავისი შეხედულებისამებრ – შიდა გადაზიდვისას;
ბ) გადაზიდვაში მონაწილე სხვა რკინიგზასთან შეთანხმებით – საერთაშორისო გადაზიდვისას