2. თუ ფეთქებადი ნივთიერების გადამზიდი სპეციალური მოძრავი შემადგენლობის სექციაში შემავალი ვაგონისა და საგანგებოდ ფორმირებული სქემის სარემონტოდ საჭიროა მისი მოხსნა, ეს ვაგონი სექციიდან (სქემიდან) შეიძლება მოიხსნას და გადაყენებულ იქნეს სარემონტო ლიანდაგზე მხოლოდ ტვირთის თანმხლები უფლებამოსილი პირის ნებართვით და მისი მეთვალყურეობით. ამ შემთხვევაში სექციის (სქემის) მთლიანი შემადგენლობა, სადაც გამოვლინდა მოსახსნელი გასარემონტებელი ვაგონი, შეჩერდება.
3. გარემონტებული ვაგონი ჩართულ უნდა იქნეს სექციის (სქემის) შესაბამის ადგილში. თუ სექციის (სქემის) ცარიელი ვაგონი ტექნიკური გაუმართაობის გამო ვერ აგრძელებს სვლას დანიშნულების სადგურისკენ, ტვირთის უფლებამოსილი თანმხლები პირის განაცხადით იგი შეიძლება მოიხსნას სექციიდან (სქემიდან) და გაიგზავნოს ახალი დანიშნულებით, გადაზიდვის საბუთების შესაბამისი გაფორმებით.
4. ამ მუხლის მიხედვით შეჩერებულ ვაგონს აყენებენ სადგურის ტექნიკურ-განმკარგავი აქტით გათვალისწინებულ ლიანდაგზე, რომელიც განკუთვნილია ფეთქებადნივთიერებიანი ვაგონის დგომისთვის სარკინიგზო ტრანსპორტზე მატარებლის მოძრაობისა და სამანევრო სამუშაოს შესრულების ინსტრუქციის შესაბამისად