მუხლი 85. 1. საფრთხის ნიშანი კეთდება ფეთქებადი ნივთიერების ქვეკლასის მიხედვით, ამ წესის მე-6 დანართის შესაბამისად. აღნიშნული საფრთხის ნიშნის ფონი ნარინჯისფერია, “1.4”, “1.5” და “1.6” ციფრების სიმაღლე 30 მმ-ია,

2. საფრთხის ნიშანს უნდა ჰქონდეს რომბისებული ფორმა, რომლის თითოეული გვერდის ზომა შეადგენს:
ა) არანაკლებ 100 მმ-ს – შეფუთვასა და/ან სატრანსპორტო პაკეტზე გაკეთებულ საფრთხის ნიშანზე. თუ გაბარიტი არ იძლევა ამის საშუალებას, დასაშვებია რომბის თითოეული გვერდის ზომის შემცირება 50 მმ-დე, ხოლო წარწერა “ფეთქდება” აღინიშნება შემოკლებით;
ბ) არანაკლებ 250 მმ-ს – კონტეინერსა და სარკინიგზო-სატრანსპორტო საშუალებაზე გაკეთებულ საფრთხის ნიშანზე.
3. შეფუთვასა და/ან სატრანსპორტო პაკეტზე გაკეთებული საფრთხის ნიშნის შავი ფერის ჩარჩო ნიშნის პირისგან დაშორებული უნდა იყოს 5 მმ მანძილით, ხოლო კონტეინერსა და სატრანსპორტო საშუალებაზე გაკეთებულ საფრთხის ნიშანზე – 15 მმ-ით