მუხლი 87. 1. საფრთხის ნიშანდება კეთდება:

ა) შეფუთვასა და/ან სატრანსპორტო პაკეტზე – კონტრასტულ ფონზე ან იარლიყზე, სამანიპულაციო ნიშნის გვერდით;
ბ) კონტეინერზე – კარზე, განივ კედელსა და სახურავზე, თუ ეს კონსტრუქციულად შესაძლებელია;
გ) სარკინიგზო-სატრანსპორტო საშუალებაზე – ორივე კარს ცენტრსშუა ისე, რომ დატვირთვა-გადმოტვირთვის, სამანევრო და საავარიო-აღდგენითი სამუშაოს შესრულებისას მას ხედავდეს სატრანსპორტო საშუალების მომსახურე პერსონალი.
2. დაიშვება საფრთხის ნიშანდების განთავსება ერთ იარლიყზე, სატრანსპორტო და პროდუქციის მახასიათებელ ნიშანდებასთან ერთად. ამ შემთხვევაში იარლიყის ზომა იზრდება ნიშნის რაოდენობის ჯერადად. ნიშანდება კეთდება სტანდარტის შესაბამისი ხერხითა და მასალით.
3. დიდგაბარიტულ ტარაზე, კონტეინერსა და სარკინიგზო-სატრანსპორტო საშუალებაზე უნდა დამაგრდეს საფრთხის მოსახსნელი იარლიყი, რომელზეც აღინიშნება საფრთხის ნიშანი, საავარიო ბარათის ნომერი, აგრეთვე ფეთქებადი ნივთიერების პირობითი ნომერი, – სამკუთხედში ან დადგენილი ნომერი – მართკუთხედში. ტვირთის ჩამოტვირთვის შემდეგ ეს ნომრები იხსნება ტვირთმიმღების მიერ.
თავი 21
გადაზიდვის განაცხადი და გადაზიდვის საბუთების გაფორმებ