2. საფრთხის ნიშანდება კეთდება შეფუთვაზე, სატრანსპორტო პაკეტზე, კონტეინერსა და სარკინიგზო-სატრანსპორტო საშუალებაზე. ამ წესის მე-10 დანართში მოცემული ტვირთის მიმართ ნიშანდება უნდა შეიცავდეს:
ა) ძირითად და დამატებით საფრთხის ნიშანს;
ბ) პირობით ნომერს;
გ) ტვირთის სატრანსპორტო დასახელებას;
დ) გაერთიანებული ერების ორგანიზაციის ნომერს.
3. ფეთქებადი ნივთიერების საექსპორტო გადაზიდვისას ნიშანდება კეთდება საერთაშორისო სტანდარტებისა და ამ წესის შესაბამისად.
4. საფრთხის ნიშანდება სატრანსპორტო პაკეტზე შეიძლება არ გაკეთდეს, თუ მის განივ და ტორსულ ზედაპირზე მკაფიოდ მოჩანს შეფუთვაზე შესრულებული ნიშანდება. საფრთხის ნიშანდება, რომელიც არ ეტევა შეფუთვის განივ და ტორსულ კედელზე, შეიძლება გაკეთდეს შეფუთვის თავსახურზე.
5. საფრთხის ნიშანდება ცხაურიან ცილინდრისებულ ტარაზე კეთდება ნიშანდებისგან თავისუფალ ტორსულ ზედაპირზე, ხოლო თუ ფეთქებადი ნივთიერება შეფუთულია ქვეშზე განლაგებულ ფუტლარში, ნიშანდება და პირობითი ნომერი კეთდება ფუტლარზე, სამანიპულაციო ნიშანი კი – ქვეშზე