1. ზსხ-ის პილოტის ინსტრუქტორის კვალიფიკაცია მის მფლობელს ანიჭებს უფლებამოსილებას, ზსხ-ის შესაბამის კლას(ებ)ზე განახორციელოს:
ა) თეორიული და საფრენოსნო მომზადება ზსხ-ის პილოტის მოწმობის მიღების მიზნით;
ბ) სწავლება ამ წესის მე-6 მუხლის „გ“ პუნქტში აღნიშნული მგზავრთან ერთად ფრენის უფლებამოსილების მიღების მიზნით;
გ) სწავლება ამ წესის მე-6 მუხლის „ბ“ პუნქტში აღნიშნული პლანერის ბუქსირების უფლებამოსილების მიღების მიზნით;
დ) სწავლება ამ წესის მე-7 მუხლის 1-ელი პუნქტში აღნიშნული ინგლისურ ენაზე რადიოსატელეფონო კავშირის უფლებამოსილების მიღების მიზნით;
2. ზსხ-ის პილოტის ინსტრუქტორი უფლებამოსილია განახორციელოს ზსხ-ის პილოტის მომზადების შემოწმება და მისი დაშვება:
ა) სპეციფიკურ სახმელეთო შემოწმებაზე;
ბ) საფრენოსნო შემოწმებაზე;
გ) შემოწმებაზე, ამ წესის მე-6 მუხლის „ა-გ“ პუნქტებში განსაზღვრული სპეციალური უფლებამოსილების მიღების მიზნით;
3. ზსხ-ის პილოტის ინსტრუქტორი უფლებამოსილია განახორციელოს ზსხ-ის პილოტის ინსტრუქტორის თეორიული სწავლება და პრაქტიკული მომზადება, ზსხ-ის პილოტის ინსტრუქტორის მასწავლებლის რანგში, იმ შემთხვევაში თუ მას ზსხ-ის პილოტ-კურსანტებისთვის ჩატარებული აქვს არანაკლებ 100 სთ თეორიული და პრაქტიკული სწავლება.