1. ტრანსპორტირების ლიცენზიატი უფლებამოსილია გააფორმოს საოპერაციო გაზის შესყიდვის ერთი ან რამდენიმე ხელშეკრულება (საოპერაციო გაზის ხელშეკრულებები).
2. საოპერაციო გაზის ხელშეკრულებების გაფორმება ხდება:
ა) საქართველოს კანონმდებლობით განსაზღვრული შესყიდვის წესების შესაბამისად ტრანსპორტირების ლიცენზიატის მიერ ჩატარებული ღია ტენდერის საშუალებით; ან
ბ) საქართველოს კანონმდებლობით განსაზღვრული შესყიდვის წესების შესაბამისად მიმწოდებელთან პირდაპირი ხელშეკრულების გაფორმების გზით.
3. ამ მუხლის მე-2პუნქტის „ა“ ქვეპუნქტით გათვალისწინებულ შემთხვევაში, ტრანსპორტირების ლიცენზიატმა ტენდერის ყოველ მონაწილეს უნდა აცნობოს ღია ტენდერის ინდივიდუალური შედეგები და ტენდერის საბოლოო შედეგები გაასაჯაროოს საკუთარ ვებგვერდზე, კომერციული საიდუმლოების დაცვის პირობით.
4. საოპერაციო გაზის ანაზღაურების მიზნით ბუნებრივი გაზის შესყიდვა შეიძლება განხორციელდეს საბალანსო ბუნებრივ გაზთან ერთად, ერთიანი ხელშეკრულებით. ამ შემთხვევაში, ტრანსპორტირების ლიცენზიატის მიერ დაბალანსების და საოპერაციო გაზის ანაზღაურების მიზნით შესყიდული ბუნებრივი გაზის ოდენობა და შესაბამისი ფასი განცალკევებულად უნდა იყოს განსაზღვრული.
5. ტრანსპორტირების ლიცენზიატი ვალდებულია კომისიას წარუდგინოს საოპერაციო გაზის ყველა ხელშეკრულების ასლი მათი გაფორმებიდან 30 (ოცდაათი) დღის ვადაში, მაგრამ არაუგვიანეს 1 სექტემბრისა.
თავი XII
ბუნებრივი გაზის ტრანსპორტირების სისტემის საიმედოობა და ტექნიკური მომსახურე