1. ტრანსპორტირების ლიცენზიატს უნდა ჰქონდეს განცალკევებული ანგარიში დაბალანსების მიზნებისათვის (დაბალანსების ანგარიში), სადაც ასახავს:
ა) დაბალანსებასთან დაკავშირებით მის ყველა ხარჯს, მათ შორის დამაბალანსებელი ქმედებიდან გამომდინარე ხარჯსა და ამ წესების 48-ე მუხლის შესაბამისად სისტემით მოსარგებლეთათვის ან დაბალანსებაზე პასუხისმგებელ მხარეთათვის გადახდილ უბალანსობის საფასურს;
ბ) ამ წესების 48-ე მუხლის შესაბამისად სისტემით მოსარგებლეებისგან ან დაბალანსებაზე პასუხისმგებელ მხარეთაგან მიღებულ უბალანსობის საფასურს.
2. დაბალანსების ანგარიშის განულება უნდა მოხდეს ყოველი წლის ბოლოს. ამ მიზნით, ტრანსპორტირების ლიცენზიატმა უნდა მოახდინოს დაბალანსების ანგარიშზე არსებული დადებითი ან უარყოფითი ნაშთის გადანაწილება სისტემით მოსარგებლეებზე ან დაბალანსების ჯგუფებზე, მათ მიერ ტრანსპორტირებული ბუნებრივი გაზის ოდენობების შესაბამისად.
3. ტრანსპორტირების ლიცენზიატის მიერ ტრანსპორტირების სისტემის გამოყენებასთან დაკავშირებული ხარჯები დაბალანსების ანგარიშზე უნდა აისახოს როგორც ხარჯი და ასევე უნდა აისახოს ტრანსპორტირების ლიცენზიატის შესაბამის ანგარიშზე როგორც შემოსავალი ძირითადი საქმიანობიდან.
4. კომისიის მოთხოვნის შემთხვევაში ტრანსპორტირების ლიცენზიატი ვალდებულია უზრუნველყოს დაბალანსების ანგარიშის შემოწმება აუდიტორების/აუდიტორული (აუდიტური) ფირმების სახელმწიფო რეესტრში რეგისტრირებული აუდიტორის მიერ.
5. დამოუკიდებელი აუდიტორი საბალანსო ანგარიშის აუდიტის დასრულების შემდეგ ამზადებს შემოწმების ანგარიშს და უგზავნის კომისიას და ტრანსპორტირების ლიცენზიატს. ტრანსპორტირების ლიცენზიატი ვალდებულია ანგარიშის შემაჯამებელი დოკუმენტი გამოაქვეყნოს მის ვებგვერდზე.
თავი XI
საოპერაციო გა