1. ყოველი მარკის ნავთობპროდუქტი უნდა ინახებოდეს ცალკე, მისთვის განკუთვნილ რეზერვუარში. უსაფრთხოების უზრუნველსაყოფად განსაკუთრებული ყურადღება უნდა მიექცეს რეზერვუარის და მასზე დაყენებული მოწყობილობის ტექნიკურ მდგომარეობას, აგრეთვე, მეხდაცვის და სტატიკური ელექტრობისაგან დაცვის სისტემებს.
2. ლითონის რეზერვუარის მცურავი სახურავის, პონტონის ექსპლუატაცია და მომსახურება უნდა ხდებოდეს მათი ტექნიკური დოკუმენტაციის და ექსპლუატაციის ინსტრუქციის შესაბამისად.
3. რეზერვუარის შევსების და დაცლის მწარმოებლურობა არ უნდა აღემატებოდეს მასზე დაყენებული სასუნთქი და მცველი სარქვლების, აგრეთვე, სავენტილაციო მილყელების ჯამურ გამტარუნარიანობას.
4. აირმათანაბრებელი სისტემით სარეზერვუარო პარკის აღჭურვისას დაუშვებელია სისტემით საავიაციო და საავტომობილო, აგრეთვე, ეთილირებული და არაეთილირებული ბენზინიანი რეზერვუარების გაერთიანება.
5. ნავთობპროდუქტები უნდა ინახებოდეს რეზერვუარებში, რომლებსაც აქვს ბენზინზეთმედეგი და ორთქლმედეგი შიგა დამცავი ფენა და აკმაყოფილებს ელექტროსტატიკური ნაპერწკალუსაფრთხოების მოთხოვნებს.
6. ელექტროსახურებელი მოწყობილობის ექსპლუატაცისას დაცულ უნდა იქნეს დამამზადებელი საწარმოს ინსტრუქციის მოთხოვნები.
თავი VII. უსაფრთხოების მოთხოვნები ელექტროდანადგარების ექსპლუატაციის მიმარ