საქართველოს სამოქალაქო კოდექსი · რედაქცია 11.11.2025
სამოქალაქო კოდექსის 1362-ე მუხლი · სკ 1362
ანდერძის მოწმეები არ შეიძლება იყვნენ: არასრულწლოვანი, ანდერძით მემკვიდრე და მისი ნათესავები დამავალი ხაზით და აღმავალი ხაზით, და, ძმა, მეუღლე, საანდერძო დანაკისრის მიმღები (ლეგატარი).
საქართველოს 2015 წლის 20 მარტის კანონი №3339 - ვებგვერდი, 31.03.2015
დასადგენია ანდერძში მითითებული პირების მიმართ ხომ არ არსებობდა საქართველოს სამოქალაქო კოდექსის 1362-ე მუხლით გათვალისწინებული მოწმეობის გამორიცხვის გარემოებები. 15. ზემოაღნიშნული ფაქტობრივი და სამართლებრივი გარემოებებიდან გამომდინარე საკასაციო სასამართლო მიიჩნევს, რომ განსახილველ შემთხვევაში, სახეზეა მხარეთა თანამონაწილეობის სავალდებულო და არა ფაკულტატური საფუძველი.
საქართველოს სამოქალაქო კოდექსის (შემდეგში: სსკ) 50-ე, 52-ე, 68-ე, 70-ე, 1319-ე, 1320-ე, 1328-ე, 1336-ე, 1344-ე, 1345-ე, 1357-ე, 1362-ე, 1364-ე მუხლებით; საქართველოს სამოქალაქო საპროცესო კოდექსის (შემდეგში: სსსკ) მე-4, 102-ე, 131-ე მუხლებით;
განსახილველი ანდერძის შედგენისას დაცულ იქნა სკ-ს 1358-ე, 1362-ე, 1366-ე და 54-ე მუხლების მოთხოვნები. სასამართლომ იხელმძღვანელა ზემო ხსენებული კოდექსის 172-ე მუხლის პირველი ნაწილით, რომლის საფუძვლეზეც მხოლოდ მესაკუთრეს აქვს უფლება მოსთხოვოს მფლობელს ნივთის დაბრუნება, და ვ.კ-ე მიიჩნია მოპასუხეთა ბინიდან გამოსახლების მოთხოვნაზე არაუფლებამოსილ პირად.
საქართველოს სკ-ს 1358-ე, 1362-ე, 1366-ე მუხლები ითვალისწინებს მოწმეების თანდასწრებით ანდერძის შედგენას; მოწმეთა ახსნა-განმარტებას სამოქალაქო საპროცესო კანონმდებლობის მოთხოვნებიდან გამომდინარე, მტკიცებულებითი ძალა გააჩნია.
გარდა ამისა, სკ-ს 1366-ე მუხლის თანახმად შინაურულ ანდერძზე აუცილებლად უნდა იყოს დაფიქსირებული მოანდერძის ხელმოწერა, ხოლო ამავე კოდექსის 1362-ე მუხლის მიხედვით მოწმეები არ შეიძლება იყვნენ ანდერძით მემკვიდრენი და მისი ნათესავები დამავალი და აღმავალი ხაზით.
ოფიციალური ტექსტი: matsne.gov.ge — საქართველოს სამოქალაქო კოდექსი, კონსოლიდირებული რედაქცია 11.11.2025. გამოქვეყნება: პარლამენტის უწყებანი, 31, 24/07/1997.
საქართველოს კანონი „საქართველოს სამოქალაქო კოდექსი“, მუხლი 1362, №786, 26.06.1997, სარეგისტრაციო კოდი 040.000.000.05.001.000.223 (კონსოლიდირებული რედაქცია 11.11.2025). ხელმისაწვდომია: https://legali.ge/law/31702/muxli-1362/