1. განწეს-ზედნადები (დანართი №6) განკუთვნილია ფეთქებადი მასალების ერთი შესანახი ადგილიდან მეორეში გადასატანად.
2. განწეს-ზედნადები გამოიწერება საწარმოს ბუღალტერიის მიერ, რომლის გამგებლობაშია ფეთქებადი მასალების გამცემი საწყობი. განწეს-ზედნადები გამოიწერება 4 ეგზემპლარად. მას ხელს აწერენ საწარმოს ხელმძღვანელი და მთავარი ან უფროსი ბუღალტერი. განწეს-ზედნადები რეგისტრირდება ბუღალტერიის სპეციალურ წიგნში რიგითი ნომრის, გაცემის თარიღისა და მიმღების დასახელების ჩვენებით.
3. განწეს-ზედნადებს ბუღალტერია აძლევს მიმღებს, რომელმაც იგი უნდა წარადგინოს საწყობში ფეთქებადი მასალების მიღებაზე მინდობილობასთან ერთად.
4. საწყობის გამგე, რომელიც გასცემს ფეთქებად მასალებს, განწეს-ზედნადების ერთ ეგზემპლარს ინახავს საწყობში, ერთს აძლევს მიმღებს, როგორც თანმხლებ დოკუმენტს, ორს – მიმღების მინდობილობასთან ერთად გადასცემს ბუღალტერიას, რომელთაგან ერთი რჩება ბუღალტერიაში საწყობიდან ფეთქებადი მასალების ჩამოწერისათვის, მეორე კი ანგარიშთან და ავიზოსთან ერთად ეგზავნება მიმღებს.
5. ერთი და იმავე საწარმოს კუთვნილი ერთი საწყობიდან მეორეში გადატანის დროს განწეს-ზედნადები იწერება სამ ეგზემპლარად. ორი ეგზემპლარი რჩება საწყობში, ერთი გადაეცემა მიმღებს, როგორც თანმხლები დოკუმენტი. გამცემი და მიმღები ვალდებული არიან მოაწერონ ხელი განწეს-ზედნადებში ფეთქებადი მასალების გაცემასა და მიღებაზე