1. ავიასპეციალისტს არა აქვს უფლება გამოიყენოს ავიასპეციალისტის მოწმობით მინიჭებული უფლებები და საფრენოსნო ოსტატობა:

ა) თუ მისი ჯანმრთელობის მდგომარეობა გაუარესდა, რამაც შეიძლება გავლენა იქონიოს ავიასპეციალისტის მოწმობით მინიჭებული უფლებამოსილების უსაფრთხოდ განხორციელებაზე;

ბ) ნებისმიერი, როგორც ექიმის რეცეპტით, ისე მის გარეშე დანიშნული მედიკამენტის ერთჯერადი/მრავალჯერადი გამოყენებისას, თუ აღნიშნული მედიკამენტი უარყოფით გავლენას ახდენს მის მიერ ავიასპეციალისტის მოწმობით მინიჭებული უფლებამოსილების უსაფრთხოდ განხორციელებაზე;

გ) ქირურგიული ჩარევის ან სხვა სახის მკურნალობის შემთხვევაში, რომელმაც შეიძლება უარყოფითი გავლენა მოახდინოს ფრენის უსაფრთხოებაზე.

2. სერტიფიკატის მფლობელი ვალდებულია დაუყოვნებლივ მიაწოდოს ინფორმაცია ავიასამედიცინო ცენტრს/ავიასამედიცინო ექსპერტს, თუ:

ა) ჩაუტარდა ქირურგიული ოპერაცია ან სხვა ინვაზიური პროცედურა;

ბ) იწყებს რომელიმე მედიკამენტის რეგულარულ გამოყენებას;

გ) გადაიტანა ტრავმა, რამაც გამოიწვია მის მიერ ავიასპეციალისტის მოწმობით მინიჭებული უფლებების შესრულების უუნარობა;

დ) დაავადდა სერიოზული დაავადებით, რომელიც იწვევს ავიასპეციალისტის მოწმობით მინიჭებული უფლებების შესრულების უუნარობას;

ე) არის ორსულად;

ვ) გადაყვანილია სამედიცინო დაწესებულებაში;

ზ) პირველად  დასჭირდა მაკორექტირებელი ლინზები.

3. ამ მუხლის მე-2 პუნქტით გათვალისწინებულ შემთხვევებში, ავიასამედიცინო ცენტრმა/ავიასამედიცინო ექსპერტმა უნდა შეაფასოს სერტიფიკატის მფლობელის ჯანმრთელობის მდგომარეობა და გადაწყვიტოს, შეუძლია თუ არა მას სერტიფიკატით მინიჭებული უფლება-მოვალეობების განხორციელება.
თავი VI
პირველი და მეორე კლასის სამედიცინო სერტიფიკატის მფლობელის მიმართ წაყენებული სამედიცინო მოთხოვნე