1. იმ შემთხვევაში, თუ მონაწილის ან მონაწილის წარმომადგენლის მიერ განცხადების საფუძველზე მოთხოვნილია შესაძლებლობის შეზღუდვის გამო პენსიის ერთიანი გადახდით გაცემა, საპენსიო აქტივების ღირებულების შესაბამისი თანხის გაცემა მოხდება წინამდებარე ინსტრუქციის მე-16 მუხლით განსაზღვრული წესით, საქართველოს მოქმედი კანონმდებლობით განსაზღვრული წესით, ასეთის არსებობის შემთხვევაში, დაბეგვრის პირობით, იმ განსხვავებით, რომ შესაძლებლობის შეზღუდვის გამო საპენსიო აქტივების ღირებულების ერთიანი გადახდით გაცემისას არ იქნება გათვალისწინებული წინამდებარე ინსტრუქციის მე-4 მუხლის მე-2 პუნქტის „გ“ ქვეპუნქტი.
2. შესაძლებლობის შეზღუდვის საფუძვლით პენსიის ერთიანი გადახდით დანიშვნის გამო საპენსიო სქემიდან გასვლის შემდეგ, მონაწილე უფლებამოსილია ნებისმიერ დროს ხელახლა გაწევრიანდეს დაგროვებით საპენსიო სქემაში საპენსიო ფონდისათვის შესაბამისი განცხადებით მიმართვის გზით, საპენსიო ფონდის მიერ განსაზღვრული წესის შესაბამისად. ასეთ შემთხვევაში მონაწილე ჩაითვლება დაგროვებით საპენსიო სქემაში სავალდებულო წესით გაწევრიანებულად და ამავდროულად აღარ ექნება უფლება, შესაძლებლობის შეზღუდვის საფუძვლით მოითხოვოს პენსიის დანიშვნა და გაცემა.
მემკვიდრისათვის მონაწილის საპენსიო აქტივების გადაცემის წე