2. თუ ვაგონი ტვირთგამგზავნს (ტვირთმიმღებს) მიღებული აქვს იჯარის ან ქირავნობის უფლებით, იგი უზრუნველყოფს მის ტექნიკურ მოწყობას თავისი საშუალებითა და ხარჯით, მოცემული ტვირთის გადაზიდვის პირობების მიხედვით. თუ ვაგონი იჯარის ან ქირავნობის უფლებით რკინიგზისგან მიღებულია გარკვეული ტვირთის ან ტვირთის ჯგუფის გადასაზიდად, ტვირთგამგზავნმა (ტვირთმიმღებმა), ტვირთის საფრთხის ნიშნის ზევით, არანაკლებ 15 სმ სიმაღლის ასოებით უნდა მიუთითოს ტვირთის ან ტვირთის ჯგუფის დასახელება, ანდა აღნიშნული ვაგონი დაიტვირთოს მხოლოდ მიწერის სადგურში. ამ შემთხვევაში საფრთხის ნიშნის ქვეშ, კარის მთელ სიგანეზე, შავი საღებავით აღინიშნება: „სხვა ტვირთის ჩატვირთვა აკრძალულია” ან „დაიტვირთოს მხოლოდ მიწერის სადგურში (ასოების სიმაღლე 10 სმ)”, ხოლო კარიდან მარცხნივ: „იჯარით აღებულია ––––––––––– (მიეთითება მოიჯარის სახელწოდება) მიერ. დაბრუნება ––––––––––– სადგურში (აღინიშნება მიწერის სადგური)”