1. ნავთობის ბაზაში გათვალისწინებული უნდა იქნეს საწარმოო, სამეურნეო-სასმელი და ხანძარსაწინაღო წყალმომარაგების სისტემები.
2. ხანძარსაწინაღო წყალმომარაგება უნდა შეესაბამებოდეს საქართველოს შინაგან საქმეთა მინისტრის 2007 წლის 27 მარტის №449 ბრძანების „საქართველოში მოქმედი სახანძრო უსაფრთხოების წესების დამტკიცების შესახებ“ მოთხოვნებს.
3. რეზერვუარის გაწმენდის შედეგად წარმოქმნილი ჩამდინარე წყლების ჩაშვება საწარმოო-სანიაღვრე კანალიზაციაში თავიდან უნდა იქნეს აცილებული. საწარმოო-სანიაღვრე კანალიზაციის ქსელში ნავთობპროდუქტების მოხვედრა ავარიული სიტუაციის დროსაც კი დაუშვებელია.
4. ნავთობის ბაზის საწარმოო კანალიზაციის ქსელი აღჭურვილი უნდა იქნეს ჰიდრავლიკური საკეტებით. მათი დაყენება უნდა მოხდეს სატუმბი სადგურიდან, ჩასასხმელ-ჩამოსასხმელი ესტაკადიდან, რეზერვუარებიდან, საქვაბიდან ყველა გამომშვებზე, აგრეთვე, ძირითად მაგისტრალთან კანალიზაციის ცალკეული შტოს მიერთების ადგილებში.
5. მომსახურე პერსონალი ვალდებულია რეგულარულად ადევნოს თვალყური გამწმენდი ნაგებობების და კვანძების მუშაობას და მათ გამართულობას, აგრეთვე, უზრუნველყოს ცალკეული ნაგებობებიდან ჩამდინარე წყლების ხარისხზე ზედამხედველობა. შედეგები უნდა დაფიქსირდეს გამწმენდი ნაგებობების სპეციალურ ჟურნალში