„საქართველოს საბიუჯეტო კოდექსში ცვლილების შეტანის შესახებ“

პროექტი საქართველოს კანონი ,,საქართველოს საბიუჯეტო კოდექსში ცვლილების შეტანის შესახებ” მუხლი 1. საქართველოს საბიუჯეტო კოდექსის (საქართველოს საკანონმდებლო მაცნე, №47, 28.12.2009, მუხ. 361) დანართის („შემოსულობების საქართველოს სახელმწიფო, აფხაზეთისა და აჭარის ავტონომიური რესპუბლიკების რესპუბლიკურ და ადგილობრივი თვითმმართველი ერთეულების ბიუჯეტებს შორის განაწილება პროცენტული მაჩვენებლების მიხედვით“) ცხრილის 27-ე, 27.1 და 27.2 გრაფა (სამხედრო სავალდებულო სამსახურის გადავადების მოსაკრებელი) ამოღებულ იქნას. მუხლი 2. ეს კანონი ამოქმედდეს 2016 წლის 1 იანვრიდან. საქართველოს პრეზიდენტი გიორგი მარგევლაშვილი

განმარტებითი ბარათი საქართველოს კანონის პროექტზე ,,საბიუჯეტო კოდექსში“ ცვლილების შეტანის თაობაზე ა) ზოგადი ინფორმაცია კანონპროექტის შესახებ ა.ა) კანონპროექტის მიღების მიზეზი კანონპორექტის მიღება გამოწვეულია კანონპროექტიდან ,,სამხედრო ვალდებულებისა სამხედრო სამსახურის შესახებ“ საქართველოს კანონში ცვლილების შეტანის შესახებ. და აღნიშნული კანონპროექტით უქმდება სამხედრო სამსახურში პირთა სავალდებულო გაწვევა, ასევე სავალდებულო სამსახური რეზერვში. შესაბამისად ცვლილებას საჭიროებს საბიუჯეტო კოდექსის ის მუხლები, რომლებიც ეხება სამხედრო სავალდებულო სამსახურის გადავადების მოსაკრებელს. ა.ბ) კანონპროექტის მიზანი კანონპროექტის მიზანია სახელმწიფო, ავტონომიური რესპუბლიკების და თვითმმართველი ერთეულების ბიუჯეტების შემოსულობებს აღარ განეკუთვნოს სამხედრო სავალდებულო სამსახურის გადავადების მოსაკრებელი. ა.გ) კანონპროექტის ძირითადი არსი კანონპროექტის მიღების შედეგად სახელმწიფო, ავტონომიური რესპუბლიკების და თვითმმართველი ერთეულების ბიუჯეტების შემოსულობებს აღარ განეკუთვნება სამხედრო სავალდებულო სამსახურის გადავადების მოსაკრებელი. ბ) კანონპროექტის ფინანსური დასაბუთება ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო კანონპროექტი არ გამოიწვევს დამატებით ხარჯებს სახელმწიფო ბიუჯეტიდან. ბ.ბ) კანონპროექტის გავლენა ბიუჯეტის საშემოსავლო ნაწილზე კანონპროექტის მიღება გავლენას მოახდენს სახელმწიფო და თვითმმართველი ერთეულის ბიუჯეტების საშემოსავლო ნაწილზე. სახელმწიფო და თვითმმართველი ერთეულები ვერ მიიღებენ შემოსავლებს სამხედრო სავალდებულო სამსახურის გადავადების მოსაკრებლიდან. სახელმწიფო ხაზინის მონაცემებით (წყარო - http://www.treasury.ge/5380. კოდი - 142212) სამხედრო სავალდებულო სამსახურის გადავადების მოსაკრებლიდან 2014 წელს სახელმიწფო ბიუჯეტის შემოსავალმა შეადგინა - 1,240,942.70ლარი, თვითმმართველი ერთეულების და ავტონომიური რესპუბლიკების შემოსავალმა 135,660.30 ლარი. სულ - 1,376,603.00 ლარი. შესაბამისად კანონპროექტის გავლენა ბიუჯეტების საშემოსავლო ნაწილზე იქნება დაახ. 1 377 000 ლარი. ბ.გ) კანონპროექტის გავლენა ბიუჯეტის ხარჯვით ნაწილზე კანონპროექტი გავლენას მოახდენს სახელმწიფო და ტერიტორიეული ერთეულების ხარჯვით ნაწილზე სულ დაახ. სულ - 1 377 000 ლარის ოდენობით. ბ.დ) სახელმწიფოს ახალი ფინანსური ვალდებულებები კანონპროექტი არ წარმოშობს სახელმწიფოს ახალ ფინანსურ ვალდებულებებს. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება პირები, რომლებიც ვალდებულნი არიან სავალდებულო სამხედრო სამსახურში იმსახურონ 12 თვის ვადით, აღარ იქნებიდან ვალდებულნი გადაიხადონ სამხედრო სავალდებულო სამსახურიდან გადავადების მოსაკრებელი. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის ოდენობა და ოდენობის განსაზღვრის პრინციპი კანონპროექტით არ ხდება გადასახდის ან მოსაკრებლის განსაზღვრა გ) კანონპროექტის მიმართება საერთაშორისო სამართლებრივ სტანდარტებთან გ.ა) კანონპროექტის მიმართება ევროკავშირის დირექტივებთან კანონპროექტი არ ეწინააღმდეგება ევროკავშირის დირექტივებს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან კანონპროექტი შეესაბამება საერთაშორისო დაკავშირებულ ვალდებულებებს. ორგანიზაციებში საქართველოს წევრობასთან გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან და შეთანხმებებთან კანონპროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებს და შეთანხმებებს. დ) კანონპროექტის მომზადების პროცესში მიღებული კონსულტაციები დ.ა) კანონპროექტის შემუშავებაში მონაწილე სახელმწიფო, არასახელმწიფო ან/და საერთაშორისო ორგანიზაცია (დაწესებულება), ექსპერტი ასეთები არ არსებობენ. დ.ბ) კანონპროექტის შემუშავებაში მონაწილე ორგანიზაციის (დაწესებულების) ან/და ექსპერტის შეფასება კანონპროექტის მიმართ ასეთები არ არსებობენ. ე) კანონპროექტის ავტორი საქართველოს პარლმენტის წევრი - ზურაბ ჯაფარიძე ვ) კანონპროექტის ინიციატორი საქართველოს პარლამენტის წევრი - ზურაბ ჯაფარიძე

საქართველოს კანონის ,,საქართველოს საბიუჯეტო კოდექსის დანართი იმ გრაფის მოქმედი რედაქცია, რომელშიც შედის ცვლილება: დანართი შემოსულობების საქართველოს სახელმწიფო , აფხაზეთისა და აჭარის ავტონომიური რესპუბლიკების რესპუბლიკურ და ადგილობრივი თვითმმართველი ერთეულების ბიუჯეტებს შორის განაწილება პროცენტული მაჩვენებლების მიხედვით N შემოსულობების დასახელება 27 სამხედრო სავალდებულო სამსახურის გადავადების მოსაკრებელი , გადახდევინებული : ავტონომიური რესპუბლიკების 90 ხელისუფლების ორგანოთა შესაბამისი სამსახურების მიერ ადგილობრივი 90 თვითმმართველობის ორგანოთა შესაბამისი სამსახურების მიერ 27.1 27.2 საქართველოს სახელმწიფო ბიუჯეტი % აფხაზეთისა და აჭარის ავტონომიური რესპუბლიკების რესპუბლიკური ბიუჯეტები % ადგილობრივი თვითმმართველი ერთეულების ბიუჯეტები % 10 10