1. 2025 წლის 1 მაისიდან წარმოშობილ საპენსიო შენატანის განხორციელების ვალდებულებასთან მიმართებით, ინსტრუქციით და ერთობლივი ნორმატიული აქტით დადგენილი წესით შესაბამისი საშემოსავლო დეკლარაციის საგადასახადო ორგანოსათვის წარდგენის ვადაში და დადგენილი წესით საპენსიო შენატანის განუხორციელებლობის გამო, ამასთან, ინსტრუქციით დადგენილი წესით სახელმწიფო დამსაქმებლის მიერ საპენსიო შენატანის განუხორციელებლობის შემთხვევაში, შესაბამის დამსაქმებელს დაეკისრება:
ა) საქართველოს ადმინისტრაციულ სამართალდარღვევათა კოდექსის 16511-ე მუხლით გათვალისწინებული ადმინისტრაციული პასუხისმგებლობა;
ბ) საურავი საპენსიო შენატანის იმ ოდენობაზე, რომელიც არ განხორციელებულა ან შესაბამისი ვადის დარღვევით განხორციელდა, საპენსიო შენატანის განხორციელების ვალდებულების წარმოშობის დღისთვის ეროვნული ბანკის მიერ დადგენილი მონეტარული პოლიტიკის განაკვეთის ოდენობით.
2. ამ მუხლის პირველი პუნქტის შემთხვევაში, დაკირსებული ჯარიმის/საურავის გადახდასთან ერთად, დამსაქმებელი ვალდებულია უზრუნველყოს საპენსიო შენატანის განხორციელების ვალდებულების სრულად შესრულება, საკუთარი ხარჯით (დასაქმებულის ხელფასიდან გამოქვითვის გარეშე).
3. ამ მუხლის პირველი პუნქტის „ბ“ ქვეპუნქტით გათვალისწინებულ შემთხვევაში საურავის დაკისრება არ ზღუდავს დამსაქმებელს განახორციელოს საპენსიო შენატანები.
4. 2025 წლის 1 მაისის შემდეგ წარმოშობილი ვალდებულებისათვის საპენსიო შენატანის განუხორციელებლობის/არაჯეროვნად განხორციელების ფაქტი გამოვლინდება ავტომატურად, საქართველოს საგადასახადო კოდექსით შესაბამისი საშემოსავლო დეკლარაციის წარდგენის ვადის მომდევნო კალენდარულ დღეს ან საშემოსავლო დეკლარაციის შესწორების მომდევნო კალენდარულ დღეს, ელექტრონული სისტემის მიერ ავტომატურად შემოწმების განხორციელების საფუძველზე. შემოწმების შედეგად, ამ მუხლის პირველი პუნქტით გათვალისწინებულ შემთხვევაში, ადმინისტრაციული პასუხისმგებლობის – ჯარიმისა და საურავის დაკისრება ხორციელდება ავტომატურად ელექტრონული სისტემის მეშვეობით.
5. ერთობლივი ნორმატიული აქტით ან/და ინსტრუქციის საფუძველზე, ელექტრონულ სისტემაში საპენსიო შენატანის განუხორციელებლობის/არაჯეროვნად განხორციელების ფაქტის დაფიქსირების შემთხვევაში ადმინისტრაციული სამართალდარღვევის ოქმი არ შედგება, არამედ ელექტრონული სისტემა ავტომატურად აგენერირებს გადაწყვეტილებას ადმინისტრაციული პასუხისმგებლობისა და საურავის დაკისრების თაობაზე. აღნიშნული გადაწყვეტილება წარმოადგენს ელექტრონულ დოკუმენტს, საპენსიო ფონდის ინდივიდუალურ ადმინისტრაციულ-სამართლებრივ აქტს, რომელშიც აისახება მათ შორის ამ მუხლის პირველი და მეორე პუნქტით გათვალისწინებული საკითხები.
6. ამ მუხლით გათვალისწინებულ შემთხვევაში, 2025 წლის 1 მაისის შემდგომ წარმოშობილი საპენსიო შენატანის განხორციელების ვალდებულების შეუსრულებლობა/არაჯეროვანი შესრულება გამოვლენილად ითვლება ამ მუხლის მე-5 პუნქტით გათვალისწინებული გადაწყვეტილების დღეს.
7. დამსაქმებლისათვის დაკისრებული ჯარიმისა და საურავის შესახებ ინფორმაცია, მათ შორის, მოცულობის შესახებ, განთავსდება დამსაქმებლის ელექტრონულ გვერდზე, ასევე ეცნობება შემოსავლების სამსახურის სისტემის მეშვეობით.
8. ამ მუხლის მე-5 პუნქტით გათვალისწინებულ გადაწყვეტილებას ელექტრონული სისტემის მეშვეობით ავტომატურ რეჟიმში დაესმება „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით გათვალისწინებული კვალიფიციური ელექტრონული შტამპი ან კვალიფიციური ელექტრონული ხელმოწერა. გადაწყვეტილების დამსაქმებლისათვის გაცნობა ხორციელდება ელექტრონული სისტემის მეშვეობით.
9. ამ მუხლის მე-5 პუნქტით გათვალისწინებული გადაწყვეტილება გამოიცემა არსებითად ამ წესის დანართი №2-ის ფორმით.
10. დამსაქმებლის მიერ საშემოსავლო დეკლარაციის ყოველი წარდენისას ან/და შესწორებისას ავტომატურად განხორციელდება შემოწმება და შესაბამისი პერიოდისათვის საპენსიო შენატანის განუხორციელებლობის/არაჯეროვნად განხორციელების ან ზედმეტად განხორციელების ფაქტის იდენტიფიცირება, რის შედეგადაც, სათანადო გარემოებების გათვალისწინებით, დადგება ამ მუხლი პირველი და მე-2 პუნქტით გათვალისწინებული შედეგები.
11. ამ მუხლით გათვალისწინებულის მიუხედავად, საპენსიო ფონდი ასევე უფლებამოსილია განახორციელოს მონიტორინგის პროცესი ამ წესის შესაბამისად, 2025 წლის 1 მაისიდან წარმოშობილი ვალდებულებების არაჯეროვნად შესრულების ფაქტის გამოვლენის მიზნი